1576, gener, 10. Albi. 

CAT SAIEI DAH P.GAR/4

Pere de Cardona i d’Erill, baró de l’Albi i de Cervià, i senyor d’aquests, amb la seva esposa, Caterina de Cardona i d’Erill, i el seu fill, Hug de Cardona i d’Erill, ven als jurats i consell de la vila de l’Albi el forn de la vila i tots els drets d’aquest pel preu de 900 lliures barceloneses.

[r]

In Dei nomine, nouerint uniuersi quod nos dominus Petrus de Cardona et de Erill, baronus et dominus baronie del Albi et de Servia, diocesis tarraconensis, nomine nostro proprio et tanquam procurator et actor et eo nomine legittime, constitutus ab illustribus domna Chaterina de Cardona et de Erill, consorte nostra, et domno Ugone de Cardona et de Erill, filio nostro, barchinonense de gentibus et populatis, prout de potestate nostra plene constat publico procurationis instrumento acto Barchinone tenoris sequentis:

Uniuersis et singulis harum seriem visuris, lecturis et audituris attestor et fidem facio ego, Petrus Manbla, auctoritate regia nottarii publicus barchinonense inferius, quod instrumendo apud me Barchinone recepto et testificato die nono mensis decembris anno a Nativitate Domini millesimo quingentesimo septuagesimo quinto, illustres domini domni Chaterina de Cardona et de Erill, consore infrascripti domni Petri de Cardona et de Erill, domini baronie del Albi, barchinonense populati, et domnus Ugo de Cardona et de Erill, dictorum conjugum filius, confidentes ad plenum de fide et legalitatte dicti domni Petri de Cardona et de Erill eorum patris et viri respectiue, gratis et cetera, consituerunt et odinauerunt procuratorem eorum et cuiuslibet eorum generalem etiam cum libera et generali administrationi dictum domnum Petrum de Cardona et de Erill, eorum patrem et virum respectiue, licet absentem et cetera, cui inter alia sine prejudicio dicti generalis mandati dederunt et contulerunt facultatem et potestatem expressas petendi, exigendi, recuperandi, recipiendi et habendi omnes et singulas peccuniarum quantitattes pensiones censualium mortuorum et alia queuis bona res et jura que eis tam conjuctim quem diuisim debentur et debebuntur ubiuis locorum et per quas uis personas quibusuis rationibus siue causis, et de receptis et recuperatis apochas et alias cautelas necessarias faciendi et firmandi. Item etiam omnes et quascumque domos, campos, vineas, terras, honores, census, censualia et alia bona tam mobilia quam immobilia et se mouentia una cum dicto eorum viro et patre et sine eo in encantu publico uel sine prout videbitur expedire illis videlicet persone seu personis et pro pretio seu pretiis dicto procuratori bene visis vendendum seu aliter alienandum in perpetuum seu instrumento gratie redimendi mediante emptorem seu emptores et alios adquisitores in possessionem rerum venditarum ponendi jura et actiones cedendi et mandandi de evictione cauendi et super ea paciscendi et fidejussores quoscumque pro inde dandi ipsosque indempnes super donis dictorum constituenti[um ser]vare promittendi eaque pro inde obligandi pretia et alias peccunie quantitattes inde prouenientia et prouenientes pettendi et recipiendi et de receptis apochas firmandi. item vendendi seu manuleuandi ad censuali mortuum, violarium mutuum seu alium licitum contractum  super ipsis domnis constituentibus et eorum bonis et una cum dicto domno eorum procuratore et sine eo et in solidum usque ad summam seu quantitatem et ad forum dicto procuratori bene usam et in uno uel pluribus contractibus et quantitatem manuleuandum seu pensiones dictorum censualium  et violariorum vendendorum et manuleuandorum assecurandorum soluere promittendi terminis inde conueniendis et concordandis sine dilatione cum salario procuratoris pena de non firmando jus nec allegandi guidaticum et aliis penis dicto procuratori bene visis et per ipsum stipulandis pretia  dictorum censualium et violariorum et seu mutua predicta recipiendi et de receptis apochas firmandi de evictione cauendi et super ea paciscendi et pro predictis omnibus et singulis attendendis quascumque domos, campos, vineas, census, censualia et alia bona quecumque dictorum dom norum constituentium una cum dicto eorum procuratore et in solidum proconcurrente quantitatte et alias specialiter obligandi et ypotechandi et creditores in rerum specialiter obligandarum possessionem mittendi jura et actiones pettendi et mandandi et facultatem dictarum rerum specialiter obligandarum vendendi et alienandi in casu cessate solutionis concedendi et generaliter omnia et singula bona ipsorum et cuiuslibet eorum in solidum obligandi renuntiandi beneficio nouarum constitucionum et cetera et epistole diui Adriani et consuetudini barchinonense. Necnon nomine dicte illustris domne Chaterine de Cardona et de Erill constituentis certiorate ad plenum de juribus suis per me dictum notarium renuntiandi juri dotis et cetera, et auctoritate et cetera, et nomine dicti domni Ugonis beneficio minori etatis et cetera, et quo ad omnes renuntiandi proprio foro et priuilegio militari submittendique ipsos et eorum bona foro vicarie Barchinone et alterius cuiusuis curie judicis seu persone cum potestate variandi et cum scriptura tertii in curia vicarie Barchinone cum obligacione persone et bonorum dicti domni Ugonis et bonorum tantum dicte domne Chaterine, et pro suis et eorum occasione quecumque voluerit vendidionum manuleuandarum apocharum et indempnitatum et alia instrumenta necessaria sub et cum illis ser pactis pactionibus stipulationibus persone et bonorum respectiue obligationibus jurium renuntiacionibus juramentis et aliis clausulis et cautelis dicto procuratori bene visis faciendi et firmandi et a domnos littes largo modo et cetera, cum potestatibus expressis de calumpnia jurandi et cetera, cautiones quascumque prestandi ac unum et plures procuratores substituendi et cetera, et generaliter et cetera, ipsosque habere ratum et cetera, pro ut in dicto instrumento continetur in quo fuerunt testes Didacus de Layeta, familiaris dictorum dominorum constituentium, et Philippus Soler, scriptor barchinonense, et ut predictis manu propria scriptis in judicio et extra ab omnibus plena impendatur fides, ego dictus Petrus Manbla,notarius Barchinone, subscribo et meum quo in publicis utor solitum appono sig(+)num.

Idcirco nos dictus domnus Petrus de Cardona et de Erill, nomine nostro proprio et tanquam procurator predictus per nos et omnes nostros heredes et sucessores quoscumque et per dictos principales nostros et per quemlibet eorum in solidum, gratis et ex nostra certa scientia vendimus et ex causa vendicionis tradimus et concedimus vobis, honorabilibus Bartholomeo Pere Arnau, Joanni Grenyo et Gaspario Alsamora, juratis anno presenti et infrasctipto ville et uniuersitatis del Albi, tanquam juratis et ad ministratoribus ceterisque hominibus et habitatoribus et seu verius dicte uniuersitatti ville del Albi et vestris in dicta uniuersitatte sucessoribus et quibus voluerittis proprio talitamen pacto et condicione et non alias nec alio modo quia ex pacto inter nos inito et conuento sich conuentum est quod in predicta seu infrascripta vendicione retinemus nobis et nostris instrumentum gratie redimendi et recuperandi infrascripta que vobis vendimus reddendo et restituendo vobis seu dicte uniuersitatti infrascriptam quantitatem modo et forma inferius declarandis quod quidem gratie instrumentum perpetuum et non ad certum tempus nobis et nostris retinemus et reseruamus videlicet totum illum fornum panis cum omnibus juribus et pertinentiis eiusdem quem habemuset possidemus intus dictam nostram villam del Albi devall la iglesia, confrontatum ab oriente cum Josepho Moragues et multis aliis, a ponente cum vicco dicto “del forn”, ab achilone cum vicco paruo juxta ecclesiam, a meridie vero cum Anthonio Alsamora et aliis si qui sint. Quiquidem furnus cum omnibus et singulis juribus et pertinentiis eiusdem quem vobis et dicte universitatti vendimus sicut affrontattur et terminatur et sicut nos habemus et possidemus et habere et possidere debemus sich vobis et dicte uniuersitatti vendimus cum introhitibus et exitibus et cum omnibus juribus et pertinentiis suis uniuersis et cum omnibus melioramentis ibi factis et agendis sicut melius dici potest et intelligi, ad totum vestrum vestrorumque in dicta universitatte ville del Albi successorum saluamentum sanum et bonum etiam intellectum francum siquidem et quittium sicuti nos habemus et possidemus liberum et inmunem ab omni prestatione census, saluo tamen semper nobis et nostris, dicto instrumento gratie redimendi et recuperandi dictum furnum ut predicitur. Extrahendo dictis nominibus, predictum furnum quem vobis vendimus de jure, dominio et proprietatte nostris et nostrorum eadem omnia et singula, in vestrum et vestrorum in dicta universitatte successorum, jus et dominium, mittendo et transferendo irreuocabiliter pleno jure ad habendum, tenendum et pacifice possidendum ad omnem vestram et dicte uniuersitatis voluntatem inde libere faciendam sine obstaculo et contradictione nostra nec nostrorum nec alterius cuiuscumque persone ponimusque et mittimus dictis nominibus vos et vestram uniuersitatem ville del Albi de predicto furno panis et de omnibus fructibus, juribus et accessoriis eiusdem in realem et corporalem possessionem. Volumusque etiam et expresse consentimus ex pacto inter nos et dictam uniuersitatem, irrito et conuento, quod si predictus furnus non fuerit sufficiens ad remedium et commoditattem dicte uniuersitatis, possitis libere et pro libito vestro, sine ulla licentia nec facultate nostra, alium furnum facere seu furnos, in quoquidem furno quem vobis vendimus et in aliis per vos faciendis, possitis et valeatis semper sine ulla contradictione nostra nec nostrorum ac sine consensu ponere et intoducere quascumque leges, ordinationes, banna et penas vobis bene visas ad dictum furnum seu furnos bene regendos et gubernandos, quas ordinationes per vos agendas, nos dicti domini ville del Albi, non teneamur tenere nec servare nisi tantum ad nostrum beneplatitum, que tantum valeant et durent quantum dictum furnum seu furnos possidebitis vos et vestri in dicta [uniuersi]tatte successores. Item etiam promittimus nos dictus domnus Petrus de Cardona, venditor, quod in dicta villa del Albi nec in eius termino faciemus nec facere possimus alium furnum nisi tantum pro seruitio et utilitatte domus et familie nostre, in quo siquis ex hominibus vel mulieribus ville seu termini del Albi vel aliorum locorum convenerit aliquando per a pastar, volumus quod teneatur soluere vobis seu dicto furno vestro, la puja vobis debita. Volumus etiam et expresse consentimus ex pacto quod semper et quando nos et nostri successores decendemus ad dictum vestrum furnum seu furnos per a pastar, quod teneamur a pastar apar y igual dels de la vila y paguar la puija apar e igual dels de la vila. Volumus etiam, ut est conuentum inter nos et dictam uniuersitatem quod in omni casu redemptionis dicti furni seu furnorum et quitamenti eorumdem teneamur nos et nostri successores ante quem intremus et recipiamus possessionem dicti /furni\ seu furnorum, refficere, restituere, paccare et emendare vobis et dicte uniuersitatti omnia et singula opera meliorameta et expensas per vos facta in dicto furno seu furnis usque ad obolum prout tunch temporis dicta opera et melioramenta apparebunt et judicabuntur. Concedimus etiam conuenimus et promittimus vobis et dictis hominibus ville del Albi ex pacto inter nos irrito et convento quod si forte in temporere demptionis et quitamenti dicti furni seu furnorum, contingat ipsum vel ipsos vendi seu alienari a totes passades, tali in casu vos et dicta vestra universitas ville del Albi, habeatis et teneatis super dictum furnum vel furnos, faticham et facultatem penes vos et dictam uniuersitatem pro pretio tunch concurrenti, retinendi et possidendi, quam faticam et facultatem nunch pro tunch, vobis tradimus et consentimus. Preterea ex causa huiusmodi vendicionis dictis nominibus damus, transferimus et committimus vobis dictis emptoribus et uniuersitatti ville del Albi omnia jura omnesque actiones, facultates et potestates super et in dicto furno seu furnis, quas nos habebamus et possidehamus ante presentem contractum et venditionem, quibus juribus et actionibus, facultatibus et potestatibus supradictis vos et dicta universitas ville del Albi possitis uti agere et experiri in judicio et extra, agendo, respondendo, deffendendo, excipiendo, et omnia alia et singula faciendo, quequem nos et quilibet nostrum, tam conjunctim quam divisim, facere poteramus ante huiusmodi vendicionem. Pro pretio vero prdicti furni quem vobis vendimus dedistis et solvistis nobis et confitemur nos a vobis et a dicta uniuersitatte ville del Albi habuisse et recepisse modo et forma inferius in apocha contentis nouecentas libras monete Barchinone, sic DCCCC libras, que sunt totum pretium ipsius furni quem quidem furnum ex pacto inter nos et dictam uniuersitatem irrito et conuento per honorabilis Anthonium Sans et Montserratum Morell, agricultores loci de Servia, medio juramento per eosdem in posse nottarii infrascripti prestito judicari et appretiari fecimus quiquidem judicatores jurarunt per Dominum Deum et eius Sancta Quattuor Evangelia predictum /furnum\ ville del Albi, valere predictas nouemcentas libras monete Barchinone et non ultra. Ideo renunciamus omni excepcioni predicte peccunie non numerate et non solute et pretii predicti non habiti et non recepti et legi qua deceptis ultra dimidiam justi pretii subuenitur et excepcioni de dolo malo et actioni in factum, et omni alii juri, rationi et consuetudini contra hec repugnantibus. Et in super conuentum inter nos quod quittando et redimendo dictum furnum virtute instrumentum gratie predicti teneamur nos et nostri reddere et restituere predictas nouem centas libras Barchinone in quattuor solutionibus inferius in apocha specificandis et declarandis videlicet, primo centum et viginti libras, secundo centum libras, tertio centum octuaginta libras, quarto et ultimo quingentas libras, creatoribus et personis ac modis et formis in dicta appocha […]. Et quia in dicta apocha constabit et continebitur vos et dictam uniuersitatem teneri et tentos esse ad soluendum pro nobis, dictis venditoribus, aliquas seu certas censualium mortuorum pensiones redimendo et quittando /nos\ dictas quantitates teneamini vos et dicta uniuersitas ville del Albi facere et solvere nobis pensiones dictarum quantitatum per nos luitarum et quitatarum ex eo quod possidebitis dictum furnum. Et quia predictum pretium habuimus et recepimus, donamus et scienter remittimus vobis dictis emptoribus et vestris in dicta uniuersitatte successoribus irrevocabiliter inter vivos si quid predicta que vobis vendimus plus modo valent aut a modo valebunt pretio superius judicato. In super nos dictus domnus Petrus de Cardona et de Erill, venditor nominibus quibus supra, conuenimus et promittimus vobis et dicte universitatti ville del Albi quod predicta que vobis vendimus et omnia accessoria eorumdem, faciemus vos et vestros in dicta uniuersitatte successores et quos volueritis, habere, tenere et possidere in pace perpetuo contra cunctas personas. Et inde vobis et dicte vestre uniuersitati, teneri volumus et promittimus, de firma ac legali evictione predictorum, et de restitucione omnium missionum, damnorum et interesse, in litte et extra. Et pro predictis omnibus et singulis, attendendis et complendis, tenendis et inviolabiliter observandis, nos dictus domnus Petrus de Cardona et de Erill, venditor et procurator nominibus quibus supra, obbligamus vobis dictis juratis et uniuersitati ville del Albi et vestris, in dicta uniuersitatte successoribus omnia et singula bona nostra et dictorum nostrorum principalium et cuiuslibet nostrorum in solidum, mobilia et immobilia ubique sint habita et habenda renuntians quantum ad hec nominibus predictis beneficio nouarum constitucionum et dividendarum ac cedendarum actionum et epistole divi Adriani et consuetudini barchinonensis, loquenti de duobus vel de pluribus se in solidum obligantibus, et  de juri dicenti quod qui factum promittit solvendo interesse liberatur ab ipsa promissione. Et nomine dicte domne Chaterine de Cardona et de Erill, principalis nostre, certioratte jam per notarii procurationis de juribus suis, renuntiamus doti et sponsalicio suis et juribus ypothecarum suarum et beneficio velleyani cenatus consulti et autentice incipienti, si qua mulier posita [et] ad velleyanum. Et nomine dicti domini Ugonis de Cardona et de Erill, etiam principalis nostri, renuntiamus beneficio minoris etatis ignorantie, et restitutionis in integrum, et etiam renuntiamus omnibus aliis juribus, rationibus et consuetudinibus contra predicta repugnantibus, et ut predicta omnia et singula majori roboresnit fulcita et gaudeant firmitatte, sponte juramus in animam nostram per Dominum Deum et eius Sancta Quattuor Evangelia manibus nostris corporaliter et reverenter tacta, predicta omnia et singula, attendere et complere, tenere et inviolabiliter observare et in nullo contrafacere vel venire jure aliquo causa vel etiam ratione. Premissa igitur que dicta sunt supra facimus paciscimur conuenimus et promittimus nos dictus domnus Petrus de Cardona et de Erill, venditor et procurator, vobis dictis juratis et uniuersitati ville del Albi et vestris in dicta uniuersitatte successoribus necnon nottario publico infrascripto tanquam publice et auctentice persone pro vobis et pro aliis, etiam personis omnibus quibus interest et intererit ac interesse potest et poterit nunch vel in futurum recipienti, paciscenti ac etiam legittime stipulanti. Actum est hoc in villa del Albi, dioecesis tarraconensis, die decimo mensis januarii, anno a Nativitatis Domini millesimo quingentesimo septuagesimo sexto. Sig(+)num nostrum domni Petri de Cardona et de Erill, venditoris et procuratoris predicti, qui predicta omnia et singula laudamus, concedimus, juramus et firmamus.

Testes huius rei sunt honorabilis Mattheus Robio, agricultor loci de Servia, [diocesis] tarraconensis, et Jacobus Pinsa, loci de Sarria, dioecesis barchinonensis.

Sig(+)num Anthonii Fores, presbiteri loci de Veluzello, auctoritate apostolica nottario in archivioque Romane Curie matriculati, qui premissis interfuit eaque [recepit] et propria manu fecit, cum suprapositis in linea 38 ubi legitur “furni” et in linea 46 ubi legitur “furnum” et in linea 50 ubi legitur “nos”, et requisitus et rogatus in fidem premissorum clausit.

Sit omnibus notum quod nos domnus Petrus de Cardona et de Erill, baronus baronie del Albi et de Servia, et dominus dictorum locorum et tanquam procurator et actor illustrium domne Chaterine de Cardona et de Erill, consortis nostre, et domni Ugonis de Cardona et de Erill, filii nostri, prout constat de potestate et procuratione nostra barchinonensis penes discretum Petrum Manbla, nottarium publicum barchinonensium, sub die nono mensis decembris proxime preteriti anni millesimi quingentesimi septuagesimi quinti, cui reffertur, igitur dictis nominibus gratis confitemur et in veritate recognoscimus vobis honorabilibus Barttholomei Pere Arnau, Joanni Grenyo et Gaspario Alsamora, juratis anno presenti ville del Albi, ceterisque hominibus et generali concilio eiusdem ville quod modo et forma infrascriptis dedistis, soluistis et tradidistis nobis, nosque a vobis et a dicta vestra universitatte habuisse et recepisse confitemur omnes illas novemcentas libras monete Barchinone, quarum pretio seu pro quibus vendidimus vobis seu dicte vestre uniuersitati ville del Albi instrumento tamen gratie redimendi et recuperandi et non aliis nec alio modo, videlicet totum illum furnum panis quem habebamus et possidehamus intus dictam villam del Albi, confrontatum cum Joseppho Moragues et aliis, cum vico dicto del Forn et cum alio vicco dicto della Iglesia et cum Antthonio Alsamora prout de dicta vendicione plene constat publico vendicionis instrumento die presenti paulo ante istud confecto, recepto et testificato pro eundem nottarium subscriptum ad quod nos refferimus, in quo hec et alia latius sunt contenta modus vero solutionis dictarum novem centarum librarum barchinonensium talis fuit et est quod in primis de voluntate nostra penes vos et dictam uniuersitattem retinuistis et retinetis centum et octuaginta libras eiusdem monete Barchinone in solutionem et satisfactionem aliarum centum et octuaginta librarum per nos vobis et dicte uniuersitatti ville del Albi debitarum ratione expensarum factarum in quadam litte quas quidem centum et octuaginta libras tenebamur vobis et dicta uniuersitati soluere et paccare. Deinde etiam de voluntate nostra retinuistis et retinetis penes vos et dictam uniuersitatem centum et viginti libras eiusdem monete pro quibus teneamini anno quolibet loco nostri et pro nobis in die decimo quarto mensis maii, respondere et soluere venerabilis domino Joanni Tost, presbitero in ciuitate ilerdensis degenti, centum et viginti solidos eiusdem monete censuales, annuales et rendales. Preterea etiam de voluntate nostra retinuistis et retinetis penes vos et dictam uniuersitattem centum libras eiusdem monete Barchinone pro quibus teneamini etiam annuatim certo die respondere et pacare venerabilis communitati presbiterorum ville Spelunce Francolini pro nobis centum solidos annuales et rendales quasquidem duas pensiones dictorum duorum censualium mortuorum si contigerit nos luire et quittare proprietates predictas teneamini solvere et respondere nobis et nostris durante huiusmodi venditione ex eo quia sicut inter nos pactatum et conventum est. Reliquas vero quingentas libras monete Barchinone ad complementum dictarum nouemcentarum librarum, recepimus et habuimus a vobis et a dicta uniuersitatte ville del Albi hodie, die presenti in bona peccunia numerata coram notarii et testibus infrascriptis, ideo renuncians excepcioni predictarum nouemcentarum librarum a vobis dictis juratis non habitarum et non receptarum et dolo malo in fidem et testimonium premissorum facimus dictis nominibus vobis et vestris successoribus et dicte uniuersitati ville del Albi de predictis nouem centis libris barchinonensis presentem apocham de receptis et pactum firmissimum de ulterius non pettendo solempni stipulatione vallatum. Actum est hoc in villa del Albi, diocesis tarraconensis, die decimo mensis januarii, anno a Nativitate Domini millesimo quingentesimo septuagesimo sexto. Sig(+)num nostrum domni Petri de Cardona et de Erill, procuratoris et recipientis predicti, qui predicta omnia et laudamus, concedimus et firmamus.

Testes huius rei sunt honorabilis Mattheus Robio, agricultor loci de Servia, dioecesis tarraconensis, et Jacobus Pinsa, loci de Sarria, dioecesis barchinonensis.

Sig(+)num Anthonii Fores, presbiter loci de Veluzello, auctoritate apostolica nottarii in archivioque Romane Curie matriculati, qui premissis interfuit eaque recepit et manu propria fecit et in fidem et testimonium premissorum clausit.