1382, març, 28. València.
CAT SAIEI DAH P.OM/18
Pere el Cerimoniós concedeix als jurats, prohoms i universitat de la vila de Montroig, del regne d’Aragó, privilegi de tenir mercat a la vila, els dimecres de cada setmana

[r]

Nos Petrus Dei gracia, Rex Aragonum, Valencie, Maioricarum, Sardinie et Corsice, comesque Barchinone, Rossilionis et Ceritanie, volentes locum dare ut villa de Monterubeo sita in Aragonum suscipiat incrementum ad humilem supplicacionem pro parte iuratorum et proborum hominum et universitatis dicte ville. Tenore presentis concedimus vobis iuratis probis hominibus et universitati predctis quod in villa seu loco ipso sit et celebretur mercatum perpetuo in die mercurii cuiuslibet septimane decernentes, volentes et expresse concedentes quod omnes et singuli tam scilicet marces quondam femine cuiuscumque legis aut condicionis existant ad dictum mercatum venientes cum omnibus et singulis rebus et mercibus suis quas secum detulerint sint salvi et securi in veniendo stando et redeundo et sub nostris specialibus proteccione commanda et guidatico constituti sic quod non possint capi denneri pignorari marchari seu aliquam impediri culpa crimine vel debitis alienis nisi ipsi fuerint in eis principali aut fideiussorio nomine obligati nec eciam in hiis casibus nisi prius in eis fatica inuenta fuerit de directo excipimus tamen ab hiis et excludimus proditores falsatores monete violatores itinerum sodomitas latrones crimen lese maiestatis comittentes et alios malefactores quoscuque mandantes per hanc eandem gubernatori nostro generali eiusque vicesgerenti in Aragonum iusticie dicte ville ceterisque officialibus nostris et eorum locatenentibus presentibus et futuris quatenus concessionem nostram huius teneant firmiter et observent et non contraveniant nec aliquem contravenire permittant qualis causa quicumque autem ausu temerario ductus venire contra premissa vel aliquod eorum presumpserit ream et indignacionem nostram et penam mille aureorum nostro erario irremissibiliter applicandorum se nouerit incursurum dampno illato primitus et plenarie restituto in cuius rei testimonium presentem fieri et sigillo maiestatis nostre iussimus communiri. Dati Valencie vicesima octava die marcii anno a Nativitate Domini millesimo trecentesimo octuagesimo secundo regnique nostri quadragesimo septimo.

Signum (+) Petri Dei gracia regis Aragonum, Valencie, Maioricarum, Sardinie et Corsice, comisque Barchinone, Rossilionis et Ceritanie. 

Testes sunt infans Martinus comes de Exerica et de Luna miles. Ferdinandus episcopus Oscencis cancellarius. Andreas de Fonelleto vicecomes de Caneto et Insula. Nobiles Hugo de Santa Pace Camerlengus et Arnaldus d’Orcau, maiordomus milites. 

Sig(+)num mei Bartholomei de Avellaneda, locumenentis prothonotarii dicti domini regis, qui de ipsius mandato hec scribi feci et clausi.