1250, agost, 23.
CAT SAIEI DAH P.URG/1
Privilegi de Jaume, rei d’Aragó, Mallorca i València, comte de Barcelona i Urgell, i senyor de Montpellier, que fa a Agneta, abadessa de Vallsanta, i al seu monestir, donant protecció a bestiar, els seus pastors i els seus traginers.
[r]
Nouerint uniuersi quod nos Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montpelieri, assecuramus uobis Agneti, abbatisse Vallis Sancte, et uestris successoribus et predicto monasterio Vallis Sancte imperpetum quinque iuga bovum uel quarumlibet aliarum bestiarum aratoriarum et iuvarios eorumdem et trecentas oves et pastores earum et duas bestias de tragino et traginarios earum que omnia sint salua et secura dicto monasterio imperpetuum et sub protectione nostra et guidatico speciali. Ita quod pro aliquibus debitis que uos dicta abbatissa uel successores uestre uel dictum monasterium alicui uel aliquibus debeatis nullis sit ausus predicta uel aliquid predictorum unqua aliquo tempore pignorare uel modo aliquo impedire uel molestare. Concedimus etiam uobis et firmiter prohibemus ne aliquis uel aliqui sint ausi ponere uel mitere se in insidiis in “Podio de la Bovera” decetero aliqua racione. Mandantes vicariis baiulis curiis paciariis et omnibus aliis subditis nostris presentibus et futuris quantinus hoc assecuramentum et guidaticum [ipsi]us firmum habeant et obseruent et faciant ab omnibus inuiolabiliter obseruari. Quicumque autem contra hoc assecuramentum et guidaticum nostrum predicta iuga bovum uel bestiarum uel oves uel bestias predictas de tragino uel iuvarios pastores uel traginarios predictos uel aliqua predictorum pignorare attemptauerit uel modo aliquo impedire uel in dicto podio se in insidiis posuerit iram et indignationem nostram et penam trecentorum morabatinorum se nouerit incursurum. Sub hac protectione et guidatico nostro statuimus et recepimus decem sarracenos monasterii antedicti sub pena superius comprehensa. Datum Ilerde, X kalendas semptembris, anno Domini M CC quinquagesimo.